Përfaqësueset e Francës dhe Anglisë kërkojnë të mbyllin rrugëtimin e tyre në Kupën e Botës 2026 me fitimin e medaljes së bronztë. Takimi, i cili zhvillohet në stadiumin Hard Rock në Miami, vjen pas eliminimit të të dyja skuadrave në gjysmëfinale, ku Franca pësoi humbje ndaj Spanjës, ndërsa Anglia u mposht nga Argjentina.
Trajnerët përkatës kanë vendosur të bëjnë rotacion, duke i dhënë mundësi futbollistëve që deri tani kanë pasur minutazh të kufizuar. Te Franca, bie në sy aktivizimi për herë të parë në këtë kampionat i Ibrahima Konate, ndërsa pjesë e formacionit janë edhe Malo Gusto, Lacroix, Theo Hernandez, Adrien Rabiot, Zaire-Emery, Michael Olise, Rayan Cherki, Doue dhe Kylian Mbappe.
Në anën tjetër, Anglia nën drejtimin e Thomas Tuchel do të nisë ndeshjen me Dean Henderson në portë. Mbrojtja përbëhet nga Spence, Konsa, Guehi dhe Jarell Quansah, i cili rikthehet pas suspendimit. Mesfusha dhe sulmi plotësohen nga Declan Rice, Rogers, Eberechi Eze, Bukayo Saka, Marcus Rashford dhe Ivan Toney. Kjo ndeshje përflitet të jetë paraqitja e fundit e Didier Deschamps në krye të stolit francez.
Përditësime
Në ndeshjen për vendin e tretë në Botëror mes Anglisë dhe Francës, trajneri Thomas Tuchel ka lënë në stol Harry Kane-in dhe Jude Bellingham-in. Ndërkohë, Federata Franceze e Futbollit ka konfirmuar zyrtarisht largimin e trajnerit Didier Deschamps pas këtij takimi. Përfaqësuesja e Francës synon të mbështesë Kylian Mbappé-në në përpjekjen e tij për t'u shpallur golashënuesi më i mirë i turneut. Formacionet zyrtare janë publikuar tashmë nga të dyja ekipet.