UEFA ka publikuar të premten orarin zyrtar të ndeshjeve për edicionin e ri të Ligës së Kombeve, ku Kosova ka mësuar kalendarin e plotë të përballjeve në grupin e saj.
Kombëtarja e Kosovës, e udhëhequr nga trajneri Franco Foda, do të përballet me Irlandën, Austrinë dhe Izraelin. Kalendari është i ngjeshur, me gjashtë ndeshje nga shtatori deri në nëntor.
Orari i ndeshjeve
- 24 shtator: Kosovë – Irlandë (shtëpi)
- 27 shtator: Austri – Kosovë (transfertë)
- 1 tetor: Izrael – Kosovë (transfertë)
- 4 tetor: Kosovë – Austri (shtëpi)
- 14 nëntor: Kosovë – Izrael (shtëpi)
- 17 nëntor: Irlandë – Kosovë (transfertë)
Ndeshja hapëse në Prishtinë ndaj Republikës së Irlandës pritet vendimtare për tonin e garës. Përballjet e shpejta me Austrinë dhe Izraelin do të testojnë gatishmërinë e Dardanëve për të arritur objektivat në këtë edicion.