Gjenerallejtënant Eyal Zamir, shef i shtabit të ushtrisë izraelite, ka dhënë urdhër që zona jugore e Libanit, nga kufiri deri në lumin Litani rreth 30 kilometra në veri, të konsiderohet "zonë vdekjeje" për çdo anëtar të Hezbollahut.
Në një deklaratë zyrtare, Zamir theksoi se ka urdhëruar eliminimin e të gjithë luftëtarëve të këtij grupi në atë territor. "Kam dhënë urdhrin që zona jugore e Libanit, të shndërrohet në një zonë vdekjeje për çdo terrorist të Hezbollahut", thuhet në deklaratë.
Deklarata u bë gjatë një vizite në terren te trupat izraelite të dislokuara në zonën libaneze. Ushtria izraelite ka vazhduar operacionet ndaj objektivave të lidhura me Hezbollahun në jug të Libanit, në një kontekst tensionesh të larta në rajon.