Policia e Kosovës ka bërë të ditur se një vajzë është raportuar e zhdukur në Gjakovë.
Sipas raportit policor, babai i saj, një mashkull kosovar, paraqiti ankesën më 26 janar 2026. Ai bëri të ditur se vajza u largua nga shtëpia më 29 dhjetor 2025 rreth orës 12:00 dhe nuk dihet asgjë për vendndodhjen e saj.
Raporti zyrtar specifikohet si vijon: “Gjakovë 29.12.2025-12:00. Më 26.01.2026 ankuesi mashkull kosovar ka raportuar se vajza e tij është larguar nga shtëpia dhe nuk dihet asgjë për vendndodhjen e saj”.
Rasti ndodhet nën hetim nga organet e rendit. Nuk janë dhënë detaje të tjera për identitetin e vajzës apo rrethanat e zhdukjes.