Vedat Muriqi, sulmuesi kosovar i RCD Mallorcas, ka arritur në kuotën e 18 golave këtë sezon në La Ligën spanjolle pas dy golave të shënuar në ndeshjen e së shtunës ndaj Osasunës.
Ndeshja midis Mallorcas dhe Osasunës u mbyll barabartë 2-2. Megjithëse skuadra e tij po lufton për mbijetesë në elitën spanjolle, Muriqi po zhvillon një sezon të jashtëzakonshëm personal.
Me këto 18 gola, ai ka thyer rekordin sezonal të legjendës kamerunase Samuel Eto’osit, i cili kishte shënuar 17 gola në edicionin 2003/2004 me të njëjtin klub në La Liga. Kështu, Muriqi ka vendosur një rekord të ri personal dhe për Mallorcan në këtë kompeticion.
Edhe pse sezoni nuk ka mbaruar ende, me disa ndeshje të mbetura, 31-vjeçari kosovar ka mundësi ta rrisë më tej këtë shifër. Ai ndodhet pranë thyerjes së rekordit total të Eto’osit për më së shumti gola në historinë e Mallorcas në La Liga, për të cilin i duhen edhe dy gola.