Erion Veliaj, kryetari i Bashkisë së Tiranës, ka kërkuar shfuqizimin e vendimit që e ka lënë në masën e sigurisë "arrest me burg". Kjo kërkesë është paraqitur në Gjykatë, ndërsa Mbledhja e Gjyqtarëve të Gjykatës së Posaçme Kundër Korrupsionit dhe Krimit të Organizuar (GJKKO) do të vendosë nëse çështja kalon për shqyrtim në seancë gjyqësore.
Veliaj ndodhet në paraburgim që nga muaji shkurt i vitit të kaluar. Ai është i pandehur nga Struktura e Posaçme Kundër Korrupsionit dhe Krimit të Organizuar (SPAK) për pesë vepra penale, mes të cilave korrupsioni dhe pastrimi i parave.
Akuzat dhe personat e përfshirë
- Erion Veliaj: korrupsion pasiv në 9 episode, shpërdorim detyre, futje të sendeve të ndaluara në qeli.
- Ajola Xoxa, bashkëshortja e tij: mosdeklarim pasurie, fshehje të të ardhurave, pastrim parash.
- Klotilda Bushka, ish-deputete socialiste: veprime që pengojnë zbulimin e së vërtetës.
Ankimet në Gjykatë Kushtetuese
Në nëntor të vitit të kaluar, ekipi i mbrojtësve të Veliajt depozitoi ankim në Gjykatën Kushtetuese. Më 3 nëntor, Kushtetuesja i dha të drejtë Veliajt, duke e lënë në detyrë si kryebashkiak dhe duke shfuqizuar vendimin e qeverisë për shkarkimin si dhe dekretin e Presidentit Bajram Begaj për zgjedhje të parakohshme në Tiranë.
Më 27 nëntor, Veliaj iu drejtua përsëri Kushtetueses, duke kërkuar shfuqizimin e vendimeve të GJKKO-së, Gjykatës së Apelit të Posaçëm dhe Gjykatës së Lartë për masën "arrest me burg". Sipas tij, këto vendime shkelin Kushtetutën, duke cenuar të drejtën e procesit të rregullt ligjor, proporcionalitetin e masës së sigurimit dhe prezumimin e pafajësisë.
Përditësime
Gjykata Kushtetuese ka vendosur të kalojë në seancë plenare ankimin e Erion Veliajt kundër masës së arrestit me burg.
Hetimet ndaj Veliajt kanë përfunduar dhe dosja është në gjykatë.
Kundër tij rëndojnë 13 akuza:
- Korrupsion në 9 raste;
- Pastrim parash;
- Fshehje pasurie;
- Futje sende të paligjshme.