Agim Veliu, ish-nënkryetari i LDK-së dhe drejtues shumëvjeçar i Degës në Podujevë, ka shkruar një mesazh me rastin e 36-vjetorit të themelimit të kësaj dege.
Në mesazhin e tij, Veliu përkujton rolin historik të LDK-së si një nga projektet më të rëndësishme politike dhe kombëtare, që bashkoi qytetarët rreth idealeve të lirisë, demokracisë dhe shtetndërtimit. Ai thekson se Degës së Podujevës ka qenë gjithmonë një nga bastionet më të forta të kësaj fryme.
Megjithatë, sipas Veliut, realiteti aktual është i ndryshëm. "Nga një bastion i pathyeshëm, kjo degë është shndërruar në një strukturë humbëse, e cila nuk është rastësi, por pasojë e një udhëheqjeje që ka humbur lidhjen me bazën, ka përçarë strukturat dhe ka zëvendësuar vlerat me interesa të ngushta", shkruan ai.
Veliu drejtohet qëndrestarëve, anëtarëve, aktivistëve dhe kontribuesve, duke shprehur obligim moral ndaj tyre. Ai nënvizon nevojën për rikthim te vlerat, bashkim të sinqertë dhe qasje që rikthen besimin e humbur të qytetarëve. "Respekti për të kaluarën tonë na obligon të mos lejojmë rrënimin e mëtutjeshëm", përfundon mesazhi i tij.