Një ditë para shpalljes së aktgjykimit për rastin e vrasjes së Liridona Ademaj, vëllai i saj, Leonard Ademaj, ka reaguar përmes një postimi në rrjetin social Facebook.
Ai shpreh pritjet e familjes në lidhje me vendimin e gjykatës dhe kërkon burgim të përjetshëm për të akuzuarit, përfshirë Naim Murselin.
Në postimin e tij, Leonard Ademaj shkruan: «Nesër gjykata e jep vendimin në rastin e vrasjes së Liridonës tonë. Ne të gjithë, por sidomos mama jeme, që i është thyer shpirti, shpreson që kriminelët që e kanë vrarë Liridonën do ta paguajnë përjetësisht me burg, ashtu siç përjetësisht ne do të mbesim pa Liridonën tonë për shkak të krimit të tyre».