Ky artikull është përditësuar. Shiko përditësimet
Komuna e Lipjanit ka njoftuar se reshjet e vazhdueshme të shiut kanë përkeqësuar gjendjen me vërshime në territorin e saj.
Vërshimet janë evidentuar në shumicën e fshatrave, me situatën më të rënduar në lokalitetet:
• Rubovc
• Konjuh
• Qylagë
• Banullë
• Akllap
• Smallushë
• Hallaq i Vogël
• Rufc
• Gadime
Si pasojë e këtyre reshjeve, janë dëmtuar dy ura: njëra në fshatin Smallushë dhe tjetra në Gadime të Epërm. Gjithashtu, janë shkaktuar dëme në infrastrukturën publike dhe në ekonominë familjare.
Komuna ka themeluar Shtabin Emergjent, i cili është aktiv dhe vepron në koordinim të vazhdueshëm me institucionet relevante. Ekipet komunale ndodhen në terren për të menaxhuar situatën dhe për të ofruar ndihmë sipas nevojave të paraqitura.
Autoritetet komunale bashkëpunojnë ngushtë me Stacionin Policor në Lipjan, Njësinë e Zjarrfikësve të Lipjanit dhe Policinë e Kosovës, për të siguruar reagim të shpejtë dhe menaxhim efikas të emergjencës.
Komuna falënderon qytetarët për bashkëpunimin dhe mirëkuptimin, duke i ftuar ata të tregojnë kujdes të shtuar deri në stabilizimin e plotë të gjendjes.
Përditësim
Dhjetëra ekonomi familjare në Komunën e Lipjanit janë prekur nga vërshimet e fundit. Autoritetet lokale raportojnë dëme të rënda në pronat dhe infrastrukturën familjare, pas reshjeve intensive të shiut.