Trajneri i kombëtares zvicerane Murat Yakin publikoi listën e lojtarëve për dy ndeshjet miqësore të muajit mars. Këto sfida përfshijnë përballjen me Gjermaninë më 27 mars dhe me Norvegjinë katër ditë më vonë, në kuadër të përgatitjeve për garat e ardhshme.
Në listë janë grumbulluar vetëm dy futbollistë shqiptarë: kapiteni Granit Xhaka dhe mesfushori i AC Milanit Ardon Jashari.
Pavarësisht spekulimeve për një ftesë të mundshme për portierin Valmir Matoshi, trajneri Yakin nuk e përfshiu atë në listë.
Një mungesë tjetër është ajo e mbrojtësit Adrian Bajrami, i cili vitin e kaluar braktisi Shqipërinë për t’u bashkuar Zvicrës.
Lista e plotë përfshin:
• Portierë: Marvin Keller, Gregor Kobel, Yvon Mvogo.
• Mbrojtës: Manuel Akanji, Aurele Amenda, Eray Comert, Nico Elvedi, Luca Jaquez, Miro Muheim, Ricardo Rodriguez, Silvan Widmer.
• Mesfushorë dhe sulmues: Michal Aebischer, Breel Embolo, Remo Freuler, Ardon Jashari, Johan Manzambi, Joel Monteiro, Dan Ndoye, Faban Reider, Alyn Sanches, Vincent Sierro, Djibril Soë, Filip Ugrinic, Ruben Vargas, Granit Xhaka, Denis Zakaria.
Kjo është lista e parë në vitin e Kupës së Botës 2026.