Një aksident trafiku ka ndodhur mbrëmjen e 30 janarit 2026 në fshatin Surkish të Podujevës, ku një veturë ka goditur një vajzë 7-vjeçare këmbësore.
Sipas raportit të Policisë së Kosovës, ngjarja ka ndodhur rreth orës 18:19. Drejtuesi i veturës, një mashkull kosovar, ka goditur të miturën, e cila ka pësuar lëndime trupore.
Vajza është dërguar menjëherë për trajtim mjekësor në Qendrën Klinike Universitare të Kosovës (QKUK), ku vazhdon të marrë ndihmë mjekësore.
I dyshuari është ndaluar përkohësisht në stacionin policor. Policia po heton rrethanat e plota të aksidentit.