Një mashkull rreth 34-vjeçar me inicialet I.O. ka humbur jetën pasi dyshohet se u godit nga një veturë në rrugën "Wesli Clark" të Prizrenit, më 18 mars 2026 rreth orës 19:12.
Policia e Kosovës pranoi informacion se viktima ishte sjellë në Spitalin Rajonal të Prizrenit pa shenja jete, sipas mjekëve kujdestarë. Patrullat policore shkuan në spital, ku konfirmuan identitetin e viktimës.
Sipas të dhënave fillestare, vetura kishte targa vendore dhe drejtohej nga D.D., mashkull rreth 24-vjeçar. Ai u ndalua nga forcat e rendit.
Njësitë policore dhe hetuesit e aksidenteve të trafikut kryen këqyrjen e vendit të ngjarjes. Prokurori kujdestar u njoftua për rastin. Me urdhër të tij, trupi i pajetë u dërgua në Institutin e Mjekësisë Ligjore për autopsi, ndërsa ngasësi u mbajt në ndalim për 48 orë.
Lajmin e konfirmoi Shaqir Bytyqi, zëdhënës i Policisë së Kosovës për rajonin e Prizrenit.
Përditësime
Viktima e aksidentit në Prizren identifikohet si Ilaz Osmanaj, 34 vjeç.