Gjiganti zviceran i ushqimit Nestlé bëri të ditur se 12 ton çokollatë KitKat, pra 413.793 copë të linjës së re, u vjedhën javën e kaluar në Evropë. Ngjarja ndodhi gjatë transportit me kamion nga Italia qendrore drejt Polonisë, ku ngarkesa duhej të shpërndahej në disa vende evropiane.
Kamioni dhe ngarkesa mbeten të pagjetura. Nestlé nuk ka dhënë detaje për vendndodhjen e mundshme të automjetit. Në një deklaratë, KitKat theksoi se produktet mund të identifikohen përmes një kodi unik serie ose barkodi. Kushdo që skanon këto kode merr udhëzime për të kontaktuar kompaninë.
KitKat vlerësoi "shijen e jashtëzakonshme të autorëve", por theksoi se "vjedhja e ngarkesave është problem në rritje për bizneset e të gjitha madhësive". Kompania sqaroi se skema të sofistikuara zbatohen rregullisht dhe publikimi i ngjarjes synon të rrisë ndërgjegjësimin për këtë trend kriminal.
Sipas Nestlé-së, vjedhja mund të çojë në mungesë të KitKat-it në raftet e dyqaneve, veçanërisht në prag të festës së Pashkëve. Konsumatorët mund të kenë vështirësi për të gjetur çokollatat e tyre të preferuara.