Punimet për ndërtimin e rrugës Prizren–Tetovë po vijojnë intensivisht në zonën e Maleve të Sharrit. Njoftimin e ka bërë ministri në detyrë i Infrastrukturës, Dimal Basha, përmes një postimi në rrjetet sociale, ku ka ndarë pamje nga terreni.
Sipas Bashës, ky projekt është me rëndësi të veçantë për forcimin e lidhjeve ndërkufitare. Ai ka theksuar se angazhimi i Qeverisë Kurti në këtë drejtim synon krijimin e infrastrukturës së re, si dhe hapjen e mundësive të reja për qytetarët në të dyja anët e kufirit.