Procesi i numërimit të votave me postë për zgjedhjet e parakohshme të mbajtura më 7 qershor po vijon në Qendrën e Numërimit dhe të Rezultateve (QNR). Sipas të dhënave të fundit nga Komisioni Qendror i Zgjedhjeve (KQZ), janë përpunuar 80 pako nga gjithsej 223, duke arritur në 35.87% të numërimit të kësaj kategorie votash.
Bazuar në rezultatet e deritanishme, subjektet politike janë renditur si më poshtë:
• Lëvizja Vetëvendosje: 69.67%
• LDK: 15.17%
• PDK: 7.98%
• Aleanca: 5.34%
Zëdhënësi i KQZ-së, Valmir Elezi, njoftoi se janë miratuar mbi 82 mijë fletëvotime me postë nga mbi 85 mijë të pranuara gjithsej. Ndërkohë, 2,981 pako me vota nga diaspora janë refuzuar për arsye të ndryshme procedurale. Procesi i numërimit pritet të vazhdojë deri në përmbylljen e të gjitha pakove të verifikuara.
Përditësime
Procesi i numërimit në Qendrën e Numërimit dhe Rezultateve (QNR) ka arritur në 40.81% të votave të diasporës. Sipas të dhënave të fundit: Lëvizja Vetëvendosje (LV) kryeson me 23,972 vota (70.28%), e ndjekur nga LDK me 5,055 vota (14.28%), PDK me 2,625 vota (7.70%) dhe AAK me 1,779 vota (5.22%). Bazuar në këto rezultate, projekcionet aktuale parashikojnë 51 ulëse për LV-në, 23 për PDK-në, 19 për LDK-në dhe 7 për AAK-në. Komisioni Qendror i Zgjedhjeve (KQZ) pret përmbylljen e numërimit brenda mesjavës.