Procesi i numërimit të votave në Kosovë është në përfundim e sipër, me 99.16% të vendvotimeve të përpunuara deri më tani. Rezultatet e përditësuara nga KQZ tregojnë një rënie të lehtë për partinë fituese krahasuar me fazat e mëhershme të numërimit.
Lëvizja Vetëvendosje (LVV), e cila gjatë fazave fillestare kishte një rezultat mbi 43%, aktualisht figuron me 42.92-42.94% të votave, përkatësisht 296 mijë e 934 vota.
Forcat e tjera politike kanë shënuar këto rezultate paraprake:
• Partia Demokratike e Kosovës (PDK): 21.04-21.05% ose 145 mijë e 529 vota.
• Lidhja Demokratike e Kosovës (LDK): 17.62-17.63% ose 121 mijë e 888 vota.
• Aleanca për Ardhmërinë e Kosovës (AAK): 7.18% ose 49 mijë e 666 vota.
Procesi pritet të përmbyllet së shpejti me numërimin e plotë të të gjitha vendvotimeve në mbarë vendin.