Pas një trajtimi disajavor në Klinikën Infektive, një pacient 21-vjeçar i cili ishte prekur nga virusi i Nilit Perëndimor ka rezultuar negativ në analizat e përsëritura, duke konfirmuar shërimin e tij. Pas këtij rasti, nuk janë raportuar të dhëna për infektime të tjera të reja në vend.
Drejtoresha e Klinikës Infektive, Vera Berisha Ndrejaj, ka sqaruar se Kosova nuk përballet me rrezik epidemie, pasi ky virus nuk është endemik në rajonin tonë. Sipas saj, virusi transmetohet ekskluzivisht përmes pickimit të mushkonjave dhe kontaktit me shpezë të infektuara, duke shmangur mundësinë e përhapjes nga njeriu te njeriu.
Në një përgjigje zyrtare për televizionin Dukagjini, Instituti Kombëtar i Shëndetësisë Publike (IKSHPK) ka publikuar statistikat e rasteve të regjistruara gjatë pesë viteve të fundit (2021–2025), të cilat janë gjithsej 9 raste:
- 7 raste gjatë vitit 2024
- 1 rast në vitin 2023
- 1 rast në vitin 2025
Aktualisht, IKSHPK nuk ka raportuar për asnjë rast tjetër të dyshuar në vend. Instituti ka rekomanduar rritjen e kujdesit dhe marrjen e masave mbrojtëse për të parandaluar pickimet nga mushkonjat, si mënyra kryesore për të shmangur infektimin.