Sonte, në kuadër të raundit të parë kualifikues të Ligës së Konferencës, stadiumi Loro Boriçi në Shkodër mirëpret duelin mes Vllaznisë dhe Malishevës. Ndeshja nis në orën 20:00, ku të dyja skuadrat synojnë një rezultat pozitiv përpara takimit të kthimit që do të zhvillohet pas një jave në Kosovë.
Trajnerët kanë publikuar rreshtimet zyrtare. Skuadra e Malishevës ka zgjedhur skemën 3-4-1-2, duke aktivizuar nga minuta e parë afrimin e ri, Kreshnik Uka. Nga ana tjetër, Vllaznia është rreshtuar me modulin 4-3-3.
Formacionet zyrtare:
- Vllaznia: Jukaj, Gurishta, Celikovic, Pusi, Musta, Qato, Dros, Murataj, Ara, Balaj, Toma.
- Malisheva: Avdyli, Skovgaard, Kryeziu, Vitija, Veliu, Ferati, Nafiu, Pira, Xhylani, Ibishi, Uka.