Qyteti i Vlorës ka mbetur pa ujë të pijshëm për shkak të një avarie të rëndë në tubacionin 500 të furnizimit me ujë, pranë zonës Miramare.
Ujësjellës Kanalizime Rajoni Vlorë njofton se janë stakuar të gjitha stacionet e ujësjellësit. Grupet e Degës Teknike janë angazhuar në terren dhe do të punojnë gjatë gjithë natës për riparimin e defektit në kohën më të shpejtë të mundshme, me qëllim shmangien e problematikave të mëtejshme në furnizim.
Ujësjellësi kërkon mirëkuptimin dhe bashkëpunimin e qytetarëve deri në normalizimin e situatës.
Kujtohet se në muajin dhjetor Vlora mbeti disa ditë pa ujë, ndërprerje që preku mijëra familje dhe biznese, duke krijuar një situatë emergjente.
Përditësime
Vlorë – Avaria në tubacionin 500 pranë Miramare u riparua gjatë natës.
Furnizimi me ujë të pijshëm u rikthye në normalitet në orët e hershme të mëngjesit, sipas njoftimit zyrtar.
Drejtori Klevis Kaso konfirmoi riparimin e defektit dhe falënderoi ekipet.