VMRO-DPMNE ka lëshuar një kumtesë për media lidhur me ish-zëvendëskryeministrit Artan Grubi, duke e lidhur atë me krime të rënda dhe korrupsion gjatë qeverisjes së LSDM-së dhe BDI-së.
Partia thekson se lufta kundër krimit dhe korrupsionit është përparësi dhe se çdo person që ka vepruar në kundërshtim me ligjin do të përgjigjet sipas rendit ligjor. Grubi dyshohet për përvetësim në shërbim në rastin e Lotarisë Shtetërore, ku dëmi për shtetin është mbi 8 milionë euro, me indikacione për shuma më të larta.
Sipas kumtesës, në publik janë shprehur dyshime se Grubi, së bashku me drejtorin e atëhershëm të Lotarisë Shtetërore Bajrami, kanë zhvilluar procedura kontroverse tenderimi dhe kanë paguar avanse partnerëve të biznesit.
VMRO-DPMNE akuzon LSDM-në se ka ditur për këto krime dhe ka heshtur, duke toleruar abuzimet në Lotarinë Shtetërore nën udhëheqjen e Bajramit dhe nën kujdesin e Grubit. Kjo, sipas partisë, konfirmohet nga raporti i ESHR-së.
Partia shton se publiku pret një zgjidhje institucionale dhe se përgjegjësia vazhdon.