Fillimi i 2026-ës e gjeti Shqipërinë nën presionin e motit ekstrem, me reshje të dendura shi dhe dëbore që kanë shkaktuar përmbytje, bllokime rrugësh dhe izolim të banorëve në disa zona të vendit. Këto kushte kanë krijuar situata emergjence civile, ku ndërlidhja komunikuese ka luajtur rol vendimtar për koordinim, informacion dhe siguri në komunitetet e prekura.
Në rrethana të tilla, një telefonatë ose sinjal interneti i pandërprerë shërben si lidhje njerëzore, duke dhënë ndjenjë sigurie mes izolimit. Ekipet e emergjencës evakuojnë banorë nën shi e dëborë, forcat e sigurisë dhe shërbimet publike koordinojnë në kohë reale, ndërsa gazetarët raportojnë nga terreni. Në këtë proces, rrjeti i komunikimit mbështet të gjithë aktorët e përfshirë.
Vodafone Albania ka garantuar ndërlidhje 24 orë në 24, me ekipet e saj në terren për të mbajtur rrjetin operacional. Drejtori i Rrjetit, Gentian Bajraktari, ka publikuar një mesazh falënderimi për ekipet teknike: “Një falënderim i madh për Heronjtë e Rrjetit tonë. Gjatë këtyre kushteve ekstreme të motit, ekipi ynë i rrjetit Vodafone Albania, i mbështetur nga partnerët tanë në terren, ka kaluar çdo pritshmëri për ta mbajtur Shqipërinë të lidhur. Përmes shiut, borës, erës dhe terrenit të vështirë, përpjekjet tuaja i mbajnë klientët tanë të lidhur. Përkushtimi juaj bën gjithë ndryshimin. Ne çmojmë gjithçka që bëni. Jemi krenarë për këtë ekip.”
Këto arritje bazohen në investimet e vazhdueshme të Vodafone Albania në infrastrukturë dhe njerëz. Gjatë vitit 2024, kompania ka investuar 43.2 milionë euro në rrjet, duke mbuluar mbi 40% të territorit me rrjetin 5G pas marrjes së lejes përkatëse. Këto përpjekje sigurojnë funksionalitetin e rrjetit edhe në situata emergjence.