Ngjarja e rëndë ka ndodhur rreth orës 10:00 të ditës së martë në lagjen Yıldırım të Bursës, në Turqi. Sipas të dhënave paraprake nga mediat lokale dhe autoritetet, autori İsmail Matur, 36 vjeç, ka ndërmarrë veprimet e dhunshme pas dyshimeve mbi një marrëdhënie mes bashkëshortes së tij dhe kunatit.
Sipas rindërtimit të ngjarjes, Matur fillimisht u përball në rrugë me Yavuz Yılmaz, 56 vjeç, të cilin e qëlloi me armë zjarri tetë herë, duke i shkaktuar vdekjen e menjëhershme. Më pas, autori u drejtua për në banesën e tij, ku qëlloi për vdekje bashkëshorten e tij, Canan Matur, 27 vjeçe.
Forcat e policisë mbërritën në vendngjarje menjëherë pas alarmit, ku bënë të mundur arrestimin e 36-vjeçarit dhe sekuestrimin e armës së përdorur në krim. Gjatë komunikimit me efektivët e policisë pas arrestimit, autori dyshohet se ka deklaruar se veprimet e tij ishin të motivuara nga ajo që ai e konsideroi si "çështje nderi".
Trupat e pajetë të viktimave janë dërguar në Institutin e Mjekësisë Ligjore për autopsi, ndërsa autoritetet turke kanë nisur hetimet për zbardhjen e plotë të rrethanave të kësaj ngjarjeje tragjike.
Përditësime
Autoritetet turke bënë të ditur se ngjarja e rëndë ka ndodhur rreth orës 10:00 të mëngjesit të ditës së martë në lagjen Yıldırım të Bursës.