Një ngjarje e rëndë ka ndodhur në qytetin e Ferizajt, ku një person ka mbetur i vrarë pas një përleshjeje me përdorim të armëve të zjarrit. Incidenti është raportuar rreth orës 22:50 në rrugën “Sejdi Sejdiu”.
Zëdhënësi i Policisë së Kosovës për rajonin e Ferizajt, Kanun Veseli, konfirmoi se në vendin e ngjarjes kanë dalë njësitë relevante policore, përfshirë Njësinë e Reagimit të Shpejtë (NJRSH) dhe hetuesit e stacionit policor, të cilët kanë nisur mbledhjen e provave.
Sipas njoftimit zyrtar, viktima është një person i gjinisë mashkullore dhe i moshës madhore, i cili është gjetur pa shenja jete. Vdekja e tij është konstatuar nga ekipi mjekësor i Spitalit të Ferizajt. Aktualisht, autoritetet janë duke punuar për të zbardhur rrethanat e plota të ngjarjes dhe për të identifikuar personat e përfshirë në këtë përleshje.