Gjergj Pergegaj, një 30-vjeçar shqiptar, u vra me armë zjarri në Olmo të Italisë. Ngjarja ndodhi pranë një restoranti, ku viktima po qëndronte në këmbë.
Sipas informacioneve paraprake, bëhet fjalë për një krim pasioni. Pergegaj kishte mbaruar punën dhe ishte ndalur për të folur me ish-të dashurën e tij, një rumune, pranë kryqëzimit të rrugëve në Olmo.
Në atë çast mbërriti partneri aktual i rumunes. Duke i parë të dy bashkë, ai nxori armën dhe qëlloi disa herë ndaj viktimës.
Autori u largua nga vendi i ngjarjes dhe tentoi të arratisej, por policia e vu në pranga.