Ish-basketbollisti amerikan Kinu Rochford, i cili gjatë vitit 2021 mbajti fanellën e ekipit Golden Eagle Ylli në Kosovë, ka humbur jetën pas një konflikti të armatosur në Harlem, Nju Jork. Ngjarja ndodhi të premten mbrëma në fushën e basketbollit Kingdome, në Lenox Avenue, ku pas një konflikti, një person qëlloi me armë zjarri në drejtim të Rochford, duke e goditur atë në kokë.
Pas incidentit, 35-vjeçari u dërgua me urgjencë në spitalin Mount Sinai Morningside, ku mjekët konfirmuan vdekjen e tij. Nga i njëjti incident mbetën të plagosur edhe dy të pranishëm, një 28-vjeçar (i goditur në këmbë) dhe një 22-vjeçare (e goditur në parakrah), të cilët ndodhen jashtë rrezikut për jetën.
Policia lokale është aktualisht në kërkim të të dyshuarit, ndërkohë që hetimet vazhdojnë për të përcaktuar motivet e sakta të të shtënave. Komuniteti i basketbollit ka shprehur ngushëllime për humbime për humbjen e Rochford, i cili njihej edhe për rolin e tij si mentor për të rinjtë në zonën ku ndodhi ngjarja.