Andre Bell, lojtar 20-vjeçar i basketbollit të Universitetit të Fisk, ka ndërruar jetë pas një atentati në Nashville të SHBA-së.
Ngjarja ndodhi ndërsa ai drejtonte një Nissan Sentra me dy shokë, pas një eventi në palestrën e universitetit. Sipas burimeve policore, një automjet tjetër iu afrua dhe qëlloi me armë zjarri mbi ta.
Sentra reduktoi shpejtësinë, ndryshoi korsi dhe kaloi në sensin tjetër të trafikut, ku u përplas me një kamionçinë të kuqe. Automjeti sulmues vazhdoi rrugën pa u ndalur.
Bell mori një plumb në kokë dhe, pavarësisht transportimit me urgjencë në spital, nuk e mbijetoi. Dy shokët e tij thanë se ishin të zënë me celularët dhe nuk kishin parë autorët.
Policia po heton motivet e sulmit, por deri tani nuk ka pista të qarta.