Presidenti i Serbisë, Aleksandar Vuçiq, akuzohet se ka urdhëruar aktivizimin e strukturave kriminale për të ndikuar në zgjedhjet komunale të 29 marsit 2026, në disa komuna serbe.
Sipas burimeve të KosovaPress-it brenda institucioneve të sigurisë, kjo bëhet për shkak të frikës nga humbja e pushtetit në komuna të caktuara. Vuçiq ka angazhuar drejtpërdrejt Milan Radoiçiq, të akuzuar për sulmin terrorist në Banjskë, dhe rrjetin e tij kriminal për të ushtruar presion ndaj votuesve dhe përkrahësve të partive opozitare.
Për këtë qëllim janë përfshirë edhe pjesëtarë të "mbrojtjes civile" dhe individë nga strukturat ilegale serbe në Kosovë.
Komunat e prekura
- Bor
- Arangjelovac
- Bajina Bashta
- Kladovo
- Knjazhevac
- Kula
- Luçani
- Majdanpek
- Smederevska Palanka
Këta persona pritet të përdoren për të deformuar procesin zgjedhor përmes kërcënimeve, blerjes së votës dhe manipulimeve të tjera të organizuara.