Vullkani Kilauea në Ishujt e Havait ndodhet në prag të shpërthimit të tij të 40-të, sipas Shërbimit Gjeologjik të Shteteve të Bashkuara (USGS). Episodi aktual shpërthyes filloi më 23 dhjetor 2024, dhe ky vullkan konsiderohet ndër më aktivët në botë.
USGS ka vendosur vullkanin në Nivelin e Alarmit Vëzhgim dhe në Kodin e Ngjyrës Portokalli. Këto nivele tregojnë trazira të shtuara vullkanike me potencial për shpërthim, ose një shpërthim me rreziqe të kufizuara, zakonisht pa emetime të mëdha ose vetëm me emetime të vogla të hirit vullkanik.
Të shtunën në mëngjes, dridhjet vullkanike u intensifikuan, ndërsa natën shatërvanët e lavës në formë kupole arritën lartësi deri në 15 metra, duke ushqyer rrjedhët e lavës. Ky aktivitet sugjeron se një shpërthim i ri mund të nisë në çdo moment, me parashikim për periudhën midis të dielës dhe të mërkurës.