Linja ajrore Wizz Air do të zgjerojë operacionet nga Aeroporti Ndërkombëtar i Tiranës për sezonin e verës 2026, duke shtuar shtatë linja ndërkombëtare të reja dhe duke alokuar avionin e 15-të në bazë gjatë pikut veror.
Ky zhvillim forcon lidhjet ajrore të Shqipërisë me destinacione turistike dhe urbane në Europë. Në total, kompania do të ofrojë 5.6 milionë vende dy-drejtimëshe, ndërsa midis mesit të qershorit dhe mesit të shtatorit do të sigurojë 120,000 vende shtesë dy-drejtimëshe.
Linjat e reja dhe oraret
• Tiranë – Bratislava: nis më 16 mars 2026, tre fluturime në javë.
• Tiranë – Santander: nis më 29 mars 2026, dy fluturime javore.
• Tiranë – Catania: nis më 4 maji 2026, çdo ditë.
• Tiranë – Palma de Mallorca: nis më 23 qershor 2026, dy herë në javë.
• Tiranë – Alghero: nis më 24 qershor 2026, dy fluturime javore.
• Tiranë – Tallinn: nis më 22 qershor 2026, tre fluturime në javë.
• Tiranë – Warsaw Radom: nis më 25 qershor 2026, dy fluturime javore.
Rritja e kapacitetit do të mundësojë më shumë vende të disponueshme dhe shërbim më të mirë për udhëtarët shqiptarë si dhe turistët që vizitojnë vendin.