Klubi italian i Interit ka zyrtarizuar vazhdimin e bashkëpunimit me mbrojtësin Yan Bisseck. Pas paraqitjeve të qëndrueshme në repartin defensiv gjatë sezoneve të fundit, drejtuesit e klubit zikaltër kanë vendosur të shpërblejnë lojtarin me një kontratë të re pesëvjeçare.
Sipas informacioneve, Bisseck do të përfitojë një pagë neto prej 3 milionë eurosh në sezon. Marrëveshja e re ka jetëgjatësi deri më 30 qershor 2031. Ky rinovim konsiderohet si një lëvizje strategjike e klubit për të ruajtur bërthamën e skuadrës në prag të fillimit të sezonit të ri futbollistik.
Në lidhje me aspektet financiare, raportohet se Interi do të vazhdojë të përfitojë nga lehtësitë e "Dekretit të Rritjes". Ndonëse ky dekret është shfuqizuar, ai mbetet ende në fuqi për kontratat që e kanë gëzuar këtë status më herët, duke i lejuar klubit të mbajë koston bruto të pagës së lojtarit brenda parametrave të parashikuar. Yan Bisseck, i cili është 25 vjeç dhe i lindur në vitin 2000, ka fituar besimin e plotë të klubit pas paraqitjeve të tij nën drejtimin e trajnerit Cristian Chivu.
Përditësime
FC Internazionale Milano ka zyrtarizuar rinovimin e kontratës me mbrojtësin Yan Bisseck. Me këtë marrëveshje, lojtari ka zgjatur bashkëpunimin me klubin zikaltër deri më 30 qershor 2029.