Disa nga lojtarët kryesorë të përzgjedhur nga Franco Foda kanë mbërritur në Prishtinë për përgatitjet e ndeshjes me Sllovakinë. Federata e Futbollit të Kosovës (FFK) ka publikuar një video ku shihet bashkimi i tyre me stafin.
Mes lojtarëve të mbërritur janë Vedat Muriqi, Mërgim Vojvoda, Edon Zhegrova, Aro Muric, Milot Rashica, Elvis Rexhbeçaj dhe Fidan Aliti. Ata u takuan me Samir Ujkanin, Agim Ademin dhe përzgjedhësin Franco Foda.
Përzgjedhësi Foda deklaroi se lojtarët janë në formë të lartë fizike dhe se stërvitjet do të kenë theks taktik. Ai shpjegoi se skuadra do të fokusohet në parimet e lojës dhe në strategjinë kundër Sllovakisë.
Kosova do të zhvillojë stërvitjen e parë më vonë sot. Ndeshja kundër Sllovakisë parashikohet të enjten në orën 21:00.