Eduard Zaloshnja shkruan se në fillim të mijëvjeçarit, 37 nga 50 shtetet e Shteteve të Bashkuara filluan të përdornin strategjinë e postblloqeve rastësishme policore për kontrollin e nivelit të alkoolit te drejtuesit e automjeteve. Në 13 shtete të tjera, kjo strategji nuk zbatohet për arsye ligjore ose politike.
Tre studiues të Pacific Institute for Research and Evaluation – Jim Fell, John Lacey dhe Bob Voas – kryen studimin "Postblloqet e kontrollit për alkoolin: Efektiviteti i lartë, por përdorimi i ulët". Sipas tij, postblloqet e dukshme dhe të shpeshta policore në SHBA reduktojnë aksidentet fatale rrugore nga 18% deri në 24%. Provat shkencore janë të qëndrueshme dhe tregojnë se këto postblloqe shpëtojnë jetë kur kryhen siç duhet.
Një sondazh i fundit nxjerr në pah se, pavarësisht përpjekjeve të Departamentit Amerikan të Transportit për t'i inkurajuar me publikime, fonde për pajisje dhe shpenzime jashtë orarit për policët, vetëm rreth një duzinë nga 37 shtetet që i lejojnë i zbatojnë çdo javë.
Arsyet kryesore për përdorimin e rrallë përfshijnë:
- Mungesën e burimeve dhe fondeve të policisë lokale;
- Mungesën e mbështetjes nga task-forcat dhe aktivistët qytetarë;
- Perceptimin se postblloqet nuk janë produktive ose me kosto efektive.
Studimi diskuton këto probleme dhe sugjeron një metodë për zgjidhjen e tyre. Autori shton se kjo analizë mund t'i vlejë publikut shqiptar dhe nuk ka lidhje me vrasjen e dy vogëlushëve durrsakë nga një shofer i dehur, atij ia kishte pezulluar dy herë patentën policia rrugore dhe i kishte vënë disa gjoba.