Kryeministri Edi Rama do të zhvillojë mbledhje me grupin parlamentar të Partisë Socialiste më të premten, 16 janar, në orën 10:00. Në takim do të jenë të pranishëm të gjithë ministrat, siç njofton gazetari Muhamed Veliu nga Top Channel.
Fjalën hapëse do ta mbajë Edi Rama, kryetari i PS-së, i ndjekur nga kryetari i Kuvendit Niko Peleshi dhe kryetari i grupit parlamentar Taulant Balla.
Agjenda përfshin raportet e veprimtarisë së komisioneve parlamentare, secili me 10 minuta:
• Komisioni për Ekonominë, Punësimin dhe Financat: Milva Ekonomi
• Komisioni për Çështjet Ligjore dhe Administratën Publike: Ulsi Manja
• Komisioni për Çështjet e Brendshme dhe të Mbrojtjes: Bledar Çuçi
• Komisioni për Bujqësinë, Ushqimin dhe Zhvillimin Rural: Blendi Klosi
• Komisioni për Burimet Natyrore, Infrastrukturën dhe Zhvillimin e Qëndrueshëm: Anila Denaj
• Komisioni për Edukimin, Shkencën dhe Sportet: Evis Kushi
• Komisioni për Shëndetësinë dhe Mirëqenien Sociale: Eduard Shalsi
• Komisioni për të Drejtat e Njeriut dhe Mjetet e Informimit Publik: Iris Luarasi
• Komisioni për Kulturën, Turizmin dhe Diasporën: Erion Malaj
• Komisioni për Europën dhe Punët e Jashtme: Igli Hasani
• Komisioni për Nismat Qytetare, Bashkëpunimin dhe Mbikëqyrjen Institucionale: Fatmir Xhafaj
• Komisioni Posaçëm për Realizimin e Reformës Zgjedhore: Damian Gjiknuri
• Komisioni Posaçëm për Reformën Administrativo-Territoriale: Arbjan Mazniku
Pas raporteve, raporti i sekretarit të grupit mbi pjesëmarrjen e deputetëve në seancat plenare, komisione dhe mbledhjet e grupit.
Në orën 13:30 fillojnë konkluzionet me fjalën e Taulant Balla dhe pastaj të Edi Rama.
Përditësime
Kryeministri Edi Rama mban mbledhje me grupin parlamentar socialist pas mbledhjes qeveritare, 3 ditë para sesionit plenar. Diskutimet kufizohen në maksimalisht 2 minuta për çdo folës pas raporteve të komisioneve.