Renato Hoxhaj u vra mëngjesin e 27 prillit 2025 në Vlorë, ndërsa ec te në rrugicën këmbësore drejt turnit të tij të rojës në një pallat në ndërtim pranë banesës. Ai u qëllua pas shpinës me armë zjarri dhe humbi jetën menjëherë.
Emisioni “Në Shënjestër” në News24, me autore Klodiana Lalën, publikoi të martën të dhëna të reja nga dosja hetimore.
Autori i vrasjes
Autori identifikua si Daniel Cornea, shtetas rumun 53-vjeçar me banim në Greqi dhe rekorde penale të shumta. Ai hyri në Shqipëri më 21 prill 2025 në orën 17:44 nëpërmjet pikës kufitare Qafë Botë në Sarandë, në këmbë nga Greqia. Pas hyrjes, mori një taksi për në Vlorë, ku foli greqisht me shoferin B.T., duke u prezantuar si rumun me një prind grek në Athinë dhe ish-kapiten anijeje.
Mëngjesin e krimit, Cornea u pa në zonën e ngjarjes që në orën 4:56, duke bërë ecje të vazhdueshme deri në 6:15, kur i qepet viktimës nga pas dhe e qëllon.
Automjeti i përdorur
Cornea përdori një Range Rover Sport me targa AB898IH. Makina kishte qenë në pronësi të një kompanie këpucësh në Kamëz dhe u shit më 9 prill 2025 me faturë në emër të D. Sako, banuese në Vlorë. Megjithatë, u tërhoq fizikisht nga një person mashkull i panjohur. Eris Mehmetaj, banues në Tiranë me origjinë nga Bajram Curri, siguroi mjetin për Cornean duke përdorur kartën e identitetit të një gruaje nga Vlora dhe u arrestua një ditë pas ngjarjes.
Pas krimit dhe largimi
Pas vrasjes, Cornea lëviz për rreth 20 minuta në këmbë në qytet, duke bërë lëvizje si turist për të konfuzuar policinë. Ai u largua nga Vlora dy orë pas krimit dhe kaloi kufirin përsëri nga Qafë Botë.
Vrasja dyshohet e porositur nga Dubai, por identiteti i urdhërdhënësve dhe motivet mbeten të paqarta.
Përditësime
Renato Hoxhaj ishte 58 vjeç.
Hetimet zbardhin të shkuarën e Alesio Dobrozit dhe veprimet e bandave në kontekst të vrasjes në Vlorë.