Autoritetet policore kanë zbuluar dhe sekuestruar rreth 4 mijë bimë kanabisi në ambientet e një banese në zonën e Peqinit. Operacioni u zhvillua nga policia e Elbasanit këtë të enjte.
Banesa ku u gjetën bimët narkotike dyshohet se është në pronësi të Bilal Hasës, drejtor i burgut të Rrogozhinës. Pas këtij zbulimi, Hasa është shpallur në kërkim nga policia dhe është pezulluar nga detyra.
Strukturat hetimore dhe policia vijojnë punën për zbardhjen e plotë të rrethanave të ngjarjes. Nuk ka dhëna të tjera për arrestime të menjëhershme apo detaje shtesë mbi kultivimin.
Përditësime
Drejtoria e Përgjithshme e Burgjeve ka pezulluar menjëherse drejtorin e dyshuar Bilal Hasa, duke u distancuar nga veprimet e tij të paligjshme dhe duke premtuar mbështetje për hetim transparent.
Operacioni policor u krye në bashkëpunim mes Drejtorisë së Përgjithshme të Policisë së Shtetit dhe Drejtorisë së Policisë së Qarkut Elbasan, pas informacioneve për veprimtarinë e tij të paligjshme.