Policia ka zbuluar një tjetër shtëpi bari në qytetin e Sarandës, në lagjen nr. 2, në kryqëzimin e rrugëve Adem Sheme dhe Pandeli Boçari. Ngjarja ka ndodhur më 19 janar 2026.
Një apartament në një pallat disakatësh ishte përshtatur për kultivimin brendshëm të bimëve të kanabisit. Policia ka kryer operacionin në vijim e sipër në këtë zonë.
Ky është rasti i dytë brenda këtij muaji në Sarandë. Më 10 janar 2026, në lagjen nr. 1, rrugën Butrinti, u zbulua një tjetër shtëpi bari, ku u arrestua një person dhe një tjetër u shpall në kërkim.
Policia dyshon se pas këtij apartamenti fshihet i njëjti grup që ka lidhje me rastin e mëparshëm. Detaje të tjera priten në orët në vijim.
Përditësime
Policia e Shtetit konfirmoi se gjatë ndërhyrjes nuk u gjet asnjë person në shtëpi.