Një alarm u dha këtë pasdë në Parnassos të Greqisë, pas zhdukjes së dy alpinistëve në zonën më të gjerë malore.
Sipas të dhënave nga media greke Protothema, dy burrat u zhdukën në rrethana ende të paqarta, gjë që çoi në mobilizimin e menjëhershëm të autoriteteve.
Në vend po veprojnë forcat e EMAK-ut, njësi greke e kërkim-shpëtimit, të cilat kanë dërguar dy automjete dhe pesë ekipe shpëtimi. Në operacion merr pjesë gjithashtu një ekip vullnetar shpëtimi nga Arachova.
Njëkohësisht, po ndihmojnë punonjësit e Qendrës së Skive Parnassos, të cilët e njohin mirë terrenin e zonës dhe ofrojnë mbështetje kritike në kërkime.
Kushtet e motit dhe terreni i vështirë po e vështirësojnë punën e ekipeve, të cilat vazhdojnë kërkimet për gjetjen sa më të shpejtë të të zhdukurve.