Pasditen e 12 gushtit 2026, një zjarr i përmasave të mëdha është përhapur në fshatin Daias të Tiranës. Flakët, të cilat kanë filluar të bien prej rreth një ore, kanë prodhuar një sasi të madhe tymi që është bërë i dukshëm nga distanca të largëta.
Në vendngjarje kanë mbërritur forcat zjarrfikëse, të cilat po punojnë për izolimin dhe shuarjen e flakëve. Për shkak të terrenit dhe vështirësive në ndërhyrje, operacioni po mbështetet nga një helikopter i Forcës Ajrore. Sipas raportimeve të deritanishme, zjarri është lokalizuar në sipërfaqe me bimësi të dendur dhe shkurre, duke mos rrezikuar banesat e zonës.
Paralelisht me vatrën në Daias, forcat zjarrfikëse janë duke monitoruar dhe punuar edhe në dy vatra të tjera zjarri aktive në zonën e Dajtit dhe të Priskës. Në operacionin për shuarjen e zjarrit mbi tunelet e Qafë-Mollës në Dajt janë angazhuar 22 forca zjarrfikëse dhe dy helikopterë. Autoritetet po vazhdojnë monitorimin e situatës për të mbajtur nën kontroll përhapjen e flakëve në të gjitha zonat e përfshira.