Një apartament në lagjen Dyli Haxhire të Elbasanit u përfshi nga flakët pasditen e hënës. Shtyllunga të dendura tymi dolën nga banesa dhe u përhapën me shpejtësi në të gjithë pallatin 4-katëshe, duke shkaktuar panik te banorët.
Banorët e godinës dolën menjëherë jashtë. Fatmirësisht, në momentin e shpërthimit të zjarrit nuk kishte persona brenda banesës, çka shmangu pasoja në njerëz.
Forcat zjarrfikëse mbërritën shpejt në vendngjarje dhe po punojnë për izolimin dhe shuarjen e flakëve. Shkaqet e zjarrit mbeten të paqarta.
Autoritetet presin hetimet për të zbardhur rrethanat e ngjarjes.