Një apartament në qendër të qytetit të Elbasanit u përfshi nga flakët mëngjesin e 14 prillit 2026, rreth orës 08:05. Ngjarja ndodhi në zonën e njohur si Kryqëzimi i 1 Majit, ku zjarri shpërtheu brenda një banese private, duke shkaktuar panik te banorët.
Menjëherë pas njoftimit, në vendngjarje mbërritën mjetet dhe efektivët e shërbimit zjarrfikës. Ata punuan për izolimin dhe shuarjen e flakëve, me qëllim parandalimin e përhapjes në banesat përreth.
Deri tani nuk dihen shkaqet e zjarrit. Nuk ka informacion zyrtar për persona të lënduar.
Autoritetet po kryejnë hetime për zbardhjen e rrethanave të ngjarjes.