Një incident zjarri është regjistruar në fshatin Vragoli të Fushë Kosovës pasditen e së premtes, rreth orës 18:00. Pas marrjes së njoftimit, njësitet e Policisë së Kosovës dhe ekipet e zjarrfikësve kanë dalë menjëherë në vendin e ngjarjes për të vënë flakët nën kontroll.
Zëdhënësja e policisë për rajonin e Prishtinës, Flora Ahmeti, bëri të ditur se nga të dhënat fillestare raportohet vetëm për dëme materiale, ndërsa nuk ka persona të lënduar.
Autoritetet kompetente po vazhdojnë punën në terren për të zbardhur shkaqet e sakta të këtij incidenti.