Karaçi në Pakistan është goditur nga një zjarri i madh në qendrën tregtare shumëkatëshe Gul Plaza, në lagjen e biznesit të qytetit. Ngjarja ndodhi vonë të shtunës, rreth orës 22:38, dhe flakët vazhduan të digjen për mbi 24 orë, duke penguar operacionet e shpëtimit në zonën e dendur.
Të dielën, zjarrfikësit nisën ftohjen dhe pastrimin e rrënojave, ndërsa shqetësimet vazhdojnë për persona të mundshëm të bllokuar nën to. Oficerja mjekësore e policisë, Dr. Sumaya Syed, konfirmoi se numri i viktimave ka arritur në 11. Kryebashkiaku i Karaçit, Murtaza Wahab, deklaroi se mbi 60 persona rezultojnë ende të zhdukur.
Ndërtesa, që strehonte mbi 1.200 dyqane, nuk kishte sistem ventilimi, çka krijoi tym të dendur dhe ngadalësoi shpëtimin. Shefi i policisë së provincës Sindh, Javed Alam Odo, tha se zjarri dyshohet të jetë shkaktuar nga një qark i shkurtër elektrik. Planimetria e dobët dhe materialet e ndezshme, si qilimat dhe batanijet, bënë që flakët të vazhdojnë në disa zona.
Pjesë të mëdha të ndërtesës janë shembur dhe struktura e mbetur konsiderohet e paqëndrueshme. Ekipet e shpëtimit po vazhdojnë kërkimet për të zhdukurit.
Përditësime
Hassan Khan, kreu i shërbimeve të shpëtimit, ka përditësuar numrin e viktimave në zjarrin e Gul Plazës në Karaç nga 11 në 21.
"Janë gjetur gjithsej 21 trupa dhe kërkimet vazhdojnë", tha ai.