Zyra e Bashkimit Evropian në Kosovë i është drejtuar kryetares së Kuvendit, Albulena Haxhiu, duke shprehur shqetësime për zhvillimet e fundit në lidhje me emërimet në Komisionin për Provimin e Jurisprudencës. Letra zyrtare vjen nga Eva Palatova, ushtruesja e detyrës së shefes.
Në letër, BE-ja thekson se këto zhvillime ngrenë pikëpyetje për pavarësinë dhe paanshmërinë e sistemit të drejtësisë, si dhe për respektimin e parimeve të sundimit të ligjit. Vendimi i Qeverisë për emërimin e anëtarëve të rinj nuk duhet të ndërpresë para kohe mandatin e anëtarëve aktualë, çka ngre dilema për kushtetutshmërinë dhe ligjshmërinë e këtij veprimi.
BE-ja i bën thirrje Kuvendit të ushtrojë mbikëqyrje të duhur dhe të shmangë miratimin e proceseve që mund të cenojnë këto parime. Emërimet duhet të jenë transparente, të bazuara në meritë dhe në përputhje me standardet evropiane.
Zyra e BE-së në Kosovë riafirmoi gatishmërinë për dialog dhe mbështetje në forcimin e sundimit të ligjit dhe institucioneve demokratike.