Një zyrtar i Izraelit ka deklaruar për mediat se komandanti i forcave detare të Gardës Revolucionare të Iranit, Alireza Tangsiri, u vra gjatë një sulmi ajror në qytetin portual Bandar Abbas. Deklarata u bë e njohur përmes The Times of Israel.
Sipas burimit izraelit, Tangsiri konsiderohej përgjegjës për bllokimin e Ngushticës së Hormuzit, një nga pikat më të rëndësishme për transportin global të naftës. Kjo ngushticë është rrugë ujore strategjike, përmes së cilës transportohet një e pesta e naftës në botë dhe mbi të cilën Irani ushtron kontroll të plotë.
Deri tani, nuk ka reagim zyrtar nga autoritetet iraniane apo ushtria e Izraelit lidhur me sulmin. Teherani, që atëherë, është përgjigjur me sulme me dronë dhe raketa në rajon, duke përfshirë sulme ndaj vendeve fqinje të Gjirit Persik, të cilat kanë deklaruar se nuk janë të përfshira në konflikt dhe nuk kanë lejuar përdorimin e territorit të tyre për nisjen e sulmeve.