KF Llapi ka njoftuar se ka arritur marrëveshje me klubin rus FC Fakel Voronezh për transferimin e sulmuesit Axel Gnapi.
Marrëveshja u finalizua pas interesimit të vazhdueshëm nga klubi rus, ndërsa palët ranë dakord për kushtet. Në një komunikatë zyrtare, Llapi bëri të ditur se ka vendosur ta lirojë futbollistin francez 24-vjeçar, duke vlerësuar ofertën dhe zhvillimet e bisedimeve.
Axel Gnapi iu bashkua KF Llapit në korrik të vitit të kaluar nga FC Prishtina. Gjatë qëndrimit te klubi nga Podujeva, ai u paraqit në 15 ndeshje kampionale, ku shënoi 7 gola dhe regjistroi 4 asistime, duke dhënë kontribut të rëndësishëm për skuadrën.
Llapi shprehu mirënjohje për angazhimin dhe profesionalizmin e Gnapi, duke i uruar suksese në vazhdim të karrierës. Shuma e transferimit nuk dihet zyrtarisht, ndonëse sipas faqes Transfermarkt, ai kompletua për 300 mijë euro.
Llapi mbylli stinorin vjeshtor në Superligë me 21 pikë në vendin e shtatë.
Përditësime
Transfermarkt raporton shumën e transferimit si 100 mijë euro (nga 300 mijë euro të publikuara më herët).