Një vajzë 14-vjeçare me emrin Kaltra Llanaj u largua nga shkolla në Vlorë pas një konflikti me mësuesin për një notë.
Pas përfundimit të mësimit, ajo nuk u kthye në shtëpi dhe familjarët nuk patën kontakt me të për më shumë se 9 orë. Babai i vajzës paraqiti kallëzim në polici, duke dyshuar se 14-vjeçarja mund të kishte shkuar në Tiranë me furgon.
Sipas burimeve, vajza u lokalizua rreth orës 22:00 në një lulishte në Tiranë. Ajo ndodhet në gjendje të mirë shëndetësore dhe ka shprehur dëshirën për të takuar vëllanë e saj që jeton në kryeqytet. Familjarët pritet të udhëtojnë drejt Tiranës për ta marrë.