Një vajzë 14-vjeçare, nxënëse e shkollës "Qemal Mici" në Durrës, është larguar nga banesa mëngjesin e 18 marsit rreth orës 6:30-6:40.
Nëna e saj, Brikena Tusku, deklaroi se vajza ishte në shtëpi deri në orën 5:00, kur u ngrit për syfyr, pasi agjëron. Pas kësaj, nëna ra në gjumë dhe, kur u zgjua rreth orës 6:30, nuk e gjeti vajzën në dhomën e saj. Ajo zbuloi një letër në tavolinë ku shkruhej "Po largohem, mos më kërkoni".
Vajza, e lindur në 2012, nuk u paraqit në shkollë dhe nuk ka telefon, çka vështirëson kontaktin. Familja banon në zonën pranë stadiumit në Durrës dhe ajo ka dy vëllezër më të vegjël.
Sipas familjarëve, vajza kishte shprehur shqetësime ditët e fundit për kërcënime nga disa persona pas orarit të mësimit, por këto nuk u morën seriozisht. Dyshohet se ka konfliktuar me dikë dhe i ka thënë shoqeve për largimin.
Shkolla dhe policia janë vënë në dijeni. Autoritetet kanë nisur kërkimet, ndërsa është bërë denoncimi përkatës.
Prindërit apelojnë te qytetarët për ndihmë. Kushdo që ka informacion ose e ka parë vajzën, të kontaktojë në numrat 0693367135 ose 0695523151.
Përditësime
Policia e Shtetit ka konfirmuar gjetjen e 14-vjeçares nga Durrësi, e cila ndodhet në gjendje të mirë shëndetësore.