Nëna e një 17-vjeçareje ka denoncuar dhunën e ushtruar ndaj vajzës së saj nga tre adoleshente. Ngjarja, e ndodhur më datë 8 qershor, u bë publike për mediat pasi pamjet filmike u shpërndanë në rrjetet sociale.
Në pamjet e publikuara, viktima shfaqet duke u goditur me shuplaka dhe grushte, ndërsa personi që filmon ngjarjen dëgjohet duke nxitur dhunueset. Nëna e vajzës, e kontaktuar nga Top Channel, ka shprehur shqetësimin e thellë për gjendjen psikologjike të së bijës dhe ka kërkuar ndërhyrjen e institucioneve përgjegjëse, duke deklaruar se ndjehet e frikësuar edhe për sigurinë e fëmijëve të tjerë të familjes.
Çështja është referuar në Prokurorinë pranë Gjykatës së Shkallës së Parë të Juridiksionit të Përgjithshëm Fier më datë 9 qershor. Autoritetet po vijojnë hetimet për zbardhjen e plotë të rrethanave të ngjarjes, ndërkohë që tri vajzat e përfshira, të moshave 15 dhe 19 vjeç, po hetohen në gjendje të lirë.