Tri adoleshente janë proceduar penalisht në gjendje të lirë në qytetin e Fierit, pasi akuzohen për dhunimin fizik të një vajze 17-vjeçare. Incidenti ka ndodhur më datë 8 qershor, ndërsa materialet për këtë ngjarje i janë përcjellë Prokurorisë më 9 qershor.
Sipas njoftimit, autorët e ngjarjes janë të moshave 15 dhe 19 vjeç. Ngjarja ka tërhequr vëmendje pasi agresoret kanë publikuar në rrjetet sociale pamjet e dhunës, të cilat janë filmuar nga njëra prej tyre. Në video dëgjohet vajza që realizon regjistrimin duke nxitur bashkëmoshataret për të vazhduar goditjet me shuplaka dhe grushte ndaj të miturës.