Prej gati 3 vitesh, 20 familje në Shkodër, në luginën e Kirit, nuk mund të kalojnë te tokat e tyre ku kultivojnë prodhime bujqësore për të mbajtur ekonominë familjare.
Ahmet Meta, qytetar i Shkodrës dhe ish-portier i ekipeve Vllaznisë dhe Besëlidhjes, iu është drejtuar emisionit Vetting për të denoncuar bllokimin e aksesit në pronën e tij. Ai shpjegon se është ish-banor i kësaj lagjeje, ku ka lindur babai i tij para 110 vjetësh. "Sot kemi një problem në rrugën që kemi ndarë pronat në breg të Kirit, të cilat na janë mbyllur rrugët dhe nuk dimë nga të kalojmë", tha Meta.
Ish-sportisti thekson se për dekada me radhë, përfshirë 70 vjet, ka përdorur një rrugë tradicionale për të hyrë në parcelat e tij deri në bregun e Kirit. Kjo rrugë tani është bllokuar plotësisht. Kalimi është bërë më parë me mirëkuptim me fqinjët, por tani çdo rrugë është e mbyllur.
Familjet e prekura kanë ankuar pranë Bashkisë së Shkodrës dhe Myftinisë, por kanë marrë vetëm premtime. Sipas Bashkisë, problemi do të trajtohet vitin e ardhshëm.
Ky rast pasqyron vështirësitë në aksesin te tokat bujqësore. Nga viti 2019 deri në 2024, sipërfaqja e tokës së mbjellë në vend ka rënë me 19 mijë hektarë, nga 677 mijë hektarë në total.